الصحة

انفلونزا الخنازير أعراضه وطرق الوقاية منه

انفلونزا الخنازير هاد la grippe هي واحد المرض معدي ناتج عن إصابتنا بڤيروس ، هاد الأخير فيه 3 ديال الأنواع نتوما مالين لخير على حساب لپروتينات اللي كتكون فالسطح ديال لفيروس “هاد لهيت غانهضرو عليه فيما بعد”.

انفلونزا الخنازير
انفلونزا الخنازير

أنواع فيروس انفلونزا الخنازير H1N1:

  • كاين النوع A وهو راس الحربة و فيه des sous -types اللي هي H1N1 أو گغيپ A وهي السبب د la pandémie فسنة 2009.
  • وكاين B واللي أقل ضرر من الأول.
  • أخيرا C اللي ناذر و غالبا كيعطي شي تعفنات حميدة كدوز مرور الكرام “benigne”.

دابا كيفاش كايدخل هاد لڤيروس للجسم ديالنا و كيدير البلبلة؟
كاين بزاف ديال الطرق اللي نقدرو نصيدو منها هاد لڤيروس .. و هي فاش الشخص المصاب كيعطس أو كيكح .. دوك نقيطات ديال اللعاب اللي كينتاشرو فالهواء تايكونو هازين الملايين ثم الملايين ديال لڤيروسات اللي إيلا دازتليك مشيتي فيها يا صديقي .. أو إيلا حطيتي يديك على شي بلاصة دازو منها صحاب لحال بحال une surface ولا پوانيي ديال لباب و لا سلمتي بلابيز ..

أعراض انفلونزا الخنازيرH1N1:

وهنا فين غنات أم كلثوم لان أعراضو تشبه أعراض la grippe saisonniere .. بنادم تايكون صحة سلام شوية كيطيح مسهط .. كيبدا بسخانة اللي تقد توصل تال 40 درجة ، نار يا حبيبي نار .. حريق فلمفاصل و العضلات des courbatures .. لعيا بزاف ، كحة ناشفة ..سيلان فالأنف و حريق فالراس ..و بعض الأحيان الردَّان و diarrhée و فقدان الشهية ..

هاد الأعراض اللي تقد تبان من بعد 24 تال 48 ساعة من دخول لڤيروس و هنا فلغالب الجسم المناعي ديالنا كاياخد تال 10 أيام باش يكوَّن مضادات أجسام تقضي عليه و يصيفط عليه لهم .. و لكن بعض المرات هاد الڤيروس كيوجد تيران و أرض خصبة لمكروبات أخرى دخل و هنا كيصعاب الامر و نقدرو نوصلو لما كفس ك pneumonie et insuffisance respiratoire و أحيانا الموت لا قدر الله لان التيران ولاَّ fragile .

علاج انفلونزا الخنازير H1N1:


الجواب هو انا كاين علاج للأعراض un traitement symptomatique . بمعنى كيتعالجو الأعراض اللي سبق و ذكرناها ( a l’aide d’un paracétamol et vit C)
و يقدو يتعطاو مضادات الفيروسات اللي لغاية منها هو تمنع هاد خونا من أنه يزيد ينتاشر و توقف لوسيكل ديالو و اللي فلغالب مكتعطيش نتيجة سيرتو ايلا متخداتش ف 24 ساعة اللولة ..
ونختم ببعض الخطوات البسيطة و اللي نقدرو نجنبو راسنا من بزاف دلعواقب :

  • غسل اليدين بلما و صابون لمدة 15-30 ثانية او تهز معاه شي désinfectant فيه لالكول .. سي پراتيك
  • ديما حاول تخلي مسافة الأمان 2 متر بينك و بين الشخص المصاب .. و ماتقيسش لبلايص اللي قاصهم هو ..
  • و بالنسبة للشخص المصاب ديما أخاي ديالي موشوار فجيبك .. عطستي و لاكحيتي عتق…
    وهادشي كامل باش “ماتهلكش”

 طرق الوقاية من انفلونزا الخنازير

  1. المحافظة على النظافة الشخصية، خاصة نظافة اليدين.
  2. تغطية الأنف بالمناديل الورقية عند التعرض للعطاس أو السعال.
  3. الاكتفاء بالمصافحة عند السلام.
  4. شرب الكثير من السوائل.

اقرأ أيضًا:

» 4 توصيات صحية لمرضى الفصال العظمي و كيفية التقليل من حدته

» عرق النسا أعراضه وأسبابه وطرق علاجه

» 8 حلول سحرية و بسيطة لعلاج حب الشباب

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق